Search

Bepalings en voorwaardes

1. DIE PROMOTOR 

Nedbank Beperk, regno 1951/000009/06 (ons), bied dié promosie aan. Ons behou die reg om dit aan slegs 'n uitgesoekte groep kliënte beskikbaar te stel.

2. PROMOSIETYDPERK

Die promosie begin op 12 Februarie en eindig op 28 Februarie 2022 (promosietydperk).

3. WIE AAN DIE PROMOSIE KEN DEEINEEM

3.1   'n Deelnemer (jy/jou) moet:

3.1.1  18 jaar of ouer wees.

3.1.2  'n geldige Suid-Afrikaanse identiteitsdokument hê.

3.1.3  'n regspersoon wees.  

4. DIE AANBOD 

Jy kan vir drie maande 'n voorkeurrentekoers van tot 4,75% op 'n 32Dae-kennisdepositorekening of 'n Elektroniese 32Dae-kennisdepositorekening verdien.

5. HOE OM VIR DIE AANBOD VIR KWALIFISEER 

5.1  Om vir die aanbod te kwalifiseer moet jy gedurende die promosietydperk:

5.1.1  'n 32Dae-kennisdeposito- of 'n Elektroniese 32Dae-kennisdepositorekening oopmaak en 'n minimum van R50,000 in dié rekening betaal;

5.1.2  jou bestaande 24-uur-kennisdepositorekening, met 'n minimum waarde van R50,000, na 'n 32Dae-kennisdeposito- of 'n Elektroniese 32Dae-kennisdepositorekening omskakel; of

5.1.3  jou beleggingsrekening, met 'n minimum waarde van R50,000 en wat verval, in 'n 32Dae-kennisdeposito- of 'n Elektroniese 32Dae-kennisdepositorekening herbelê.

6. HOE DIE AANBOD WERK 

As jy vir die aanbod kwalifiseer, geld die volgende:

6.1  Jy sal die aanbod slegs ontvang nadat ons jou besonderhede geverifieer en bevestig het, insluitend jou voldoening aan dié bepalings en voorwaardes.

6.2  Die voorkeurrentekoers sal toegepas word vir drie maande vandat jy geld in jou 32Dae-kennisdeposito- of jou Elektroniese 32Dae-kennisgdepositorekening betaal het, waarna die standaardrentekoers sal geld.

6.3  Ons sal nie verantwoordelik wees vir enige tegniese foute wat jou deelname aan die promosie beïnvloed of as jou inskrywing vir die promosie uitgelaat is nie.

6.4  As 'n dispuut ontstaan, sal ons besluit finaal en bindend wees rakende alle aspekte van die promosie, en ons sal nie die saak verder bespreek nie.

6.5  Ons sal nie verantwoordelik wees vir enige oponthoude in jou aanvaarding van die aanbod nie.

6.6  Ons sal nie aanspreeklik wees vir oponthoude of versuim om enige deel van die aanbod te lewer wat voortspruit uit handelinge buite ons redelike beheer nie. Ons sal jou so gou as wat redelik moontlik is laat weet as die aanbod op dié manier geraak word.

6.7  Ons behou die reg voor om die aanbod enige tyd met 'n ander van soortgelyke kommersiële waarde te vervang.

7. ALGEMEEN 

7.1  Alle inligting oor die promosie, insluitend inligting wat op enige promosiemateriaal gepubliseer word, is deel van dié bepalings en voorwaardes.

7.2  Deur aan die promosie deel te neem, stem jy in om aan die bepalings en voorwaardes gebind te wees.

7.3  Hierdie bepalings en voorwaardes is regdeur die promosietydperk op ons webwerf by nedbank.co.za beskikbaar.

7.4  Ons kan jou vra om skriftelik in te stem om, sonder betaling, enige van ons dienste te ondersteun, te bevorder en te adverteer. Jy kan die versoek van die hand wys, maar jy sal steeds die aanbod kry.

7.5  Deur vir die promosie in te skryf en daaraan deel te neem, erken jy dat jou persoonlike inligting wat vir die promosie benodig word, met ons en ons agente gedeel sal word, maar slegs in die mate wat nodig is vir die promosie. Jou persoonlike inligting sal in ooreenstemming met Suid-Afrikaanse verbruikers- en databeskermingswette gebruik word.

7.6  Ons kan die promosie onmiddellik verleng, verkort of kanselleer sonder om jou in kennis te stel as dit deur die wet toegelaat word, as ons dit volgens wet moet doen, of om redes buite ons beheer. As dit gebeur, sal jy enige regte wat jy volgens die promosie het, prysgee en jy sal geen regres teen ons of ons agente, kontrakteurs of borge weens die verlenging, verkorting of kansellasie hê nie.

7.7  Ons of ons direkteure, werknemers, agente of verskaffers sal nie verantwoordelik wees vir enige direkte of indirekte verlies of skade wat voortspruit uit jou deelname aan die promosie, of vir enige ongeluk, besering, skade, koste of dood wat jy of enige ander persoon wat aan die aanbod deelneem, op enige stadium tydens die vervulling van die aanbod ly nie.

8. MEER INLIGTING 

Vir meer inligting oor die promosie, bel die Nedbank Kontaksentrum by 0800 555 111.